მმართველი გუნდი ორ დათმობაზე მიდის.

ქართული ოცნება მზად არის, საკონსტიტუციო რეფორმის პროექტში ორი ცვლილება შეიტანოს. პირველი: 2024 წლიდან საპარლამენტო არჩევნები ე.წ. ბონუს სისტემის გარეშე ჩატარდება, ანუ გადაუნაწილებელ მანდატებს საკანონმდებლო ორგანოში მოხვედრილი ყველა პარტია პროპორციულად გაინაწილებს.

მეორე კომპრომისი ბლოკებს უკავშირდება: 2020 წლის არჩევნებზე საარჩევნო ბლოკები ერთჯერადად დაშვებული იქნება. თუმცა, შეთავაზებებს ნეგატიურად ხვდებიან ოპოზიციაში.

ხელისუფლების ოპონენტების მთავარი მოთხოვნაა 2020 წლიდან მთლიანად პროპორციულ საარჩევნო სისტემაზე გადასლვა და პრეზიდენტის პირდაპირი წესით არჩევა.

სალომე ქოქიაშვილი მუშაობდა თემაზე.