ევროპელმა ლიდერებმა გაერო-ს ტრიბუნიდან მოსკოვი პროპაგანდისტული საინფორმაციო კამპანიის გამოც გააკრიტიკეს.
მწვავე ბრალდებების პარალელურად, ევროკავშირი რუსული პროპაგანდის და დეზინფორმაციის წინააღმდეგ ახალი სტრატეგიით იწყებს ბრძოლას.
ამოქმედებულია ახალი ვებგვერდი, სადაც 18 ენაზე მომზადებული 3 000-ზე მეტი ყალბი სტატია განთავსდა. მასალები ორგანიზაციის მკვლევარებმა გამოავლინეს.
პარალელურად,ვებგვერდზე ინტერაქტიული სტატისტიკაც გამოქვეყნდება. მით უმეტეს, რომ მოსკოვი საკუთარი გავლენების გასაზრდელად დეზინფორმაციას სულ უფრო აქტიურად ავრცელებს.
სასურველი მიზნის მისაღწევად კი სხვადასხვა ინსტრუმენტი გამოიყენება, მათ შორის, გამოგონილი ინტერვიუები, დემონიზება და პროპაგანდისტული მიზნით შექმნილი გვერდები სოციალურ ქსელში.