საერთაშორისო ტრიბუნიდან გაკეთებული მწვავე განცხადებების ფონზე, რუსი სამხედროები უკანონო ქმედებებს ამჯერად სოფელ ერედვში განაგრძობენ. საოკუპაციო ძალების წარმომადგენლები დასახლებიდან 2008 წლის ომის შემდეგ გამოდევნილი ოჯახების საცხოვრებელ სახლებს ანგრევენ.

ფაქტს პრეზიდენტი რუსეთის დაფინანსებით ქართული მოსახლეობის კვალის ამოშლად და ვანდალიზმად აფასებს.

გიორგი მარგველაშვილის თქმით, ეს არის ეთნიკური წმენდის გაგრძელება და ოკუპირებული ტერიტორიების ანექსიისკენ მიმართული ნაბიჯი. უკანონო ქმედებებს გმობს პარლამენტის თავმჯდომარეც.