3400 უკრაინული გრივნა საზღვრის უკანონო კვეთისთვის - რამდენიმე საათიანი პროცესი ასეთი გადაწყვეტილებით დასრულდა. მოსამართლემ მიხეილ სააკაშვილი ადმინისტრაციული წესით დამნაშავედ ცნო და ჯარიმის გადახდა დააკისრა.

ოდესის ყოფილმა გუბერნატორმა ასევე უნდა გადაიხადოს სასამართლოს გადასახადი, 320 გრივნას ოდენობით.

საქართველოს მესამე პრეზიდენტი, განაჩენის გამოცხადების დროს დარბაზში არ იმყოფებოდა. მიხეილ სააკაშვილმა, მომხრეებთან ერთად, უკრაინის საზღვარი პოლონეთიდან, შეგინის გამშვებ პუნქტზე 10 სექტემბერს გაარღვია.

უკრაინის სახელმწიფო სასაზღვრო სამსახურის ინფორმაციით, საზღვრის გადაკვეთაში 60-მდე ადამიანი მონაწილეობდა.