საადვოკატო გაერთიანებებმა ადვოკატთა ასოციაციის თავმჯდომარის პოსტზე დავით ასათიანის კანდიდატურა წარადგინეს.

“საადვოკატო ბიუროთა გაერთიანებამ“, “დამოუკიდებელმა პროფკავშირმა“, “ახალგაზრდა ადვოკატებმა“ და ფართო კოალიციურმა ჯგუფმა ზაზა ხატიაშვილის ხელმძღვანელობით, მიიღეს გადაწყვეტილება ადვოკატთა ასოციაციის მომავალი თავმჯდომარის პოსტზე ასოციაციის საერთაშორისო ურთიერთობების მდივანი, ადვოკატი დავით ასათიანი წარადგინეს.

დავით ასათიანი საადვოკატო საქმიანობას 1999 წლიდან ახორციელებს. პროფესიული გამოცდილება მიღებული აქვს აშშ-ში, დიდ ბრიტანეთში, ბელგიაში, საფრანგეთსა და გერმანიაში თანამედროვე იურიდიული პროფესიის და მართლმსაჯულებს სისტემების მოწყობის და ფუნქციონირების საკითხებზე.

ამჟამად არის “საქართველოს ადვოკატთა ასოციაციის” აღმასრულებელი საბჭოს წევრი და საერთაშორისო ურთიერთობების მდივანი; “საქართველოს ადვოკატთა ასოციაციის” წარმომადგენელი სახელმწიფო საკონსტიტუციო კომისიაში და ევროპის ადვოკატთა ასოციაციების საბჭოში (CCBE). თურქულენოვან და მონათესავე ქვეყნების ადვოკატთა ასოციაციების გაერთიანების” ვიცე-პრეზიდენტი; იურიდიული კომპანია ,,ასათიანი და ადვოკატების” პარტნიორი. 2009-2013 წლებში ასათიანი იყო ორგანიზაცია “საქართველოს ადვოკატები დამოუკიდებელი პროფესიისთვის” (GLIP) თავმჯდომარეა. 2012-2013 წლებში არასამთავრობოთა კოალიციის “დამოუკიდებელი და გამჭვირვალე მართლმსაჯულებისათვის” თავმჯდომარეა.

ადვოკატთა ასოციაციის თავმჯდომარის არჩევნები 2017 წლის დეკემბერში გაიმართება. ასოციაციის თავმჯდომარეს, ასოციაციის წევრთაგან ასოციაციის საერთო კრება ოთხი წლის ვადით აირჩევს. ადვოკატთა ასოციაციის თავმჯდომარე იმავდროულად არის აღმასრულებელი საბჭოს თავმჯდომარე და წარმოადგენს ასოციაციას. ამჟამად ადვოკატთა ასოციაციის პოსტს ზაზა ხატიაშვილი იკავებს. ის აღნიშნულ პოსტზე უკვე იქნა არჩეული 8 წლის ვადით.