სასტუმრო „ამბსადორში“ ჟურნალისტ გოგი ბუკიას მე-11 საერთაშორისო მემორიალური ტურნირი მიმდინარეობს ნარდში.
წლევანდელ ტურნირში მსოფლიოს სხვადასხვა ქვეყნის ჩემპიონები მონაწილეობენ. წლევანდელი გათამაშების საპრიზო თანხა 10 000 დოლარს შეადგენს.
საქართველო სამი მნიშვნელოვანი ტურნირის ორგანიზატორია. გოგი ბუკიას ღია მემორიალის გარდა, ესენია საერთაშორისო მედიატურნირი და მსოფლიო თასის გათამაშება, რომელიც ერთ-ერთი ყველაზე მასობრივი და რეიტინგული ტურნირია მსოფლიოში, მონტე კარლოს მსოფლიო ჩემპიონატთან ერთად.
„დიდი ხანია, რაც ეს ეს ტურნირი საქართველოში ტარდება და იმდენს მივაღწიეთ, რომ მსოფლიოში ერთ-ერთი ყველაზე პრესტიჟული შეჯიბრებაა. გოგი ბუკიას მემორიალი რეიტინგითა და ავტორიტეტით, მონტე კარლოსა და კვიპროსის ტურნირებთან ერთად, მსოფლიოს საუკეთესო ტურნირების სამეულში შედის“, - ამბობს ტურნირის ორგანიზატორი გოდერძი ბუკია.