სასტუმრო „თბილისი მარიოტში“ პროექტზე - ,,სამრეწველო დაბინძურებისა და რისკების სფეროში ევროკავშირის გარემოსდაცვით კანონმდებლობასთან დაახლოების მიზნით საქართველოს გარემოსა და ბუნებრივი რესურსების დაცვის სამინისტროს ადმინისტრაციული შესაძლებლობების გაძლიერება" იმსჯელეს. შეხვედრის მონაწილეებს მინისტრის მოადგილემ ეკატერინე გრიგალავამ მიმართა.
პროექტის პარტნიორ მხარეს ესპანეთის, ნიდერლანდების სამეფოს და ჩეხეთის კონსორციუმი წარმოადგენს, რომლის მიზანია, დახმარება გაუწიოს სამინისტროს სამართლებრივი, ინსტიტუციური, ადმინისტრაციული და პროცედურული ჩარჩოს შემუშავების გზით დაბინძურების პრევენციისა და კონტროლის ინტეგრირებული სისტემის დანერგვაში.
შეხვედრას საქართველოში ევროკავშირის წარმომადგენლობა, სხვადასხვა სამინისტროების, არასამთავრობო ორგანიზაციების და კერძო სექტორის წარმომადგენლები ესწრებოდნენ.