საბავშვო ბაღის მეორე სართულიდან გადმოვარდნილი ბავშვი სხეულის სხვადასხვა სიმძიმის დაზიანებებით საავადმყოფოში რჩება.
ზემო ფონიჭალაში მომხდარ შემთხვევაზე გამოძიება მიმდინარეობს. ბაღის დირექტორს და ორ აღმზრდელს უფლებამოსილება დროებით შეჩერებული აქვთ. ძიების დასრულებამდე სწორედ მათ აკისრებს პასუხისმგებლობას ბაღების მართვის სააგენტო.
უყურადღებობა, უსაფრთხოების დარღვეული წესები თუ ორივე ერთად: საბავშვო ბაღში, სადაც სხვა საჯარო ბაღების მსგავსად გადატვირთულობის პრობლემა მწვავედ დგას, დეტალებზე არ საუბრობენ.
ირკვევა, რომ უსაფრთხოების ნორმების დაცვის კუთხით მოქმედი კანონმდებლობა არაეფექტურია, რის გამოც ბაღები წლებია, სააგენტოს მიერ შემუშავებულ რეგულაციებს ექვემდებარებიან.
დღეს მომხდარი ფაქტის შემდეგ, მესამე სექტორი იმ კანონის სასწრაფოდ ძალაში შესვლას ითხოვს, რომლის ამოქმედება ორჯერ გადავიდა.
რუსუდან ლოლაძე თემის დეტალებით.