საქართველო-რუსეთის საზღვრის დაღესტნის მონაკვეთზე, ქართულ საგუშაგოსთან მომხდარ აფეთქებაზე გამოძიება მიმდინარეობს.

სასაზღვრო პოლიციის უფროსი ლეიტენანტი ადგილზე დაიღუპა. ამ დრომდე მძიმეა დაშავებული ორი ქართველი მესაზღვრის ჯანმრთელობის მდგომარეობა. დაზარალებულები დამწვრობის ცენტრის რეანიმაციულ განყოფილებაში იმყოფებიან.

გუშინ მომხდარი შემთხვევის დროს სხეულის მსუბუქი დაზიანება მიიღო კიდევ ერთმა ქართველმა მესაზღვრემ.

შინაგან საქმეთა სამინისტროს წინასწარი ინფორმაციით, ქართულ საგუშაგოსთან განთავსებულ კარავში ბუნებრივი აირის ბალონი აფეთქდა.