შერიგების პოლიტიკა, რომელზეც პრემიერმა ბერლინში ისაუბრა, დღეს არაერთხელ ახსენეს თბილისშიც.

13-თვიანი და 13-დღიანი ომის უმძიმესი დასასრული და საქართველოს უახლესი ისტორიის ყველაზე ტრაგიკული თარიღი - დღეს 27 სექტემბერია. 24 წლის წინ ამ დღეს სოხუმი დაეცა. ცეცხლში გახვეული ქალაქიდან გამოდევნილი ოჯახები სოხუმში გატარებულ ბოლო წუთებს იხსენებენ. საკუთარ ქვეყანაში დევნილებად ქცეულმა ადამიანებმა აფხაზეთში უამრავი მეგობარი დატოვეს. სოციალური ქსელით იყო კომუნიკაციის დამყარების რამდენიმე მცდელობა, თუმცა უშედეგოდ. დარღვეული შეთანხმება, შტურმით აღებული მინისტრთა საბჭოს შენობა და დახვრეტილი ტყვეები - ლიკა ალელიშვილი დევნილთა მძიმე ისტორიებით.