ირანთან ბირთვული შეთანხმების არსს აშშ-ის პოზიცია არ შეესაბამება და გაერო-ს გენერალურ ასამბლეამდე პრეზიდენტ, დონალდ ტრამპის განცხადება შეთანხმების სამი პუნქტის დარღვევა იყო - ამის შესახებ ირანის საგარეო საქმეთა მინისტრმა ჯავად ზარიფმა განაცხადა.
ჯავად ზარიფის თქმით, შეთანხმება არის ეროვნული ვალდებულება და ირანი არ იქნება პირველი სახელმწიფო, რომელიც ამ შეთანხმებას დაარღვევს.
ირანის საგარეო უწყების ხელმძღვანელი ამბობს, რომ დღეს ირანში არის ადამიანთა ჯგუფი, რომელიც ფიქრობს, რომ აშშ შეთანხმების ასპექტებს არ შეესაბამება და ირანმა უარი უნდა თქვას გარიგებაზე.
ზარიფის აზრით, ირანი შესაბამის გადაწყვეტილებას გარემოებებიდან გამომდინარე, საყოველთაო განხილვის შემდეგ მიიღებს.
ირანის საგარეო საქმეთა მინისტრმა აშშ-ის სახელმწიფო მდივანთან შეხვედრის დეტალებზეც ისაუბრა და აღნიშნა, რომ შეხვედრის მონაწილეებმა შეთანხმება დადებითად შეაფასეს, თუმცა ბირთვული შეთანხმება არ არის იდეალური.