იუსტიციის სახლთან ფერეიდნელი ქართველების მხარდასაჭერი აქცია გაიმართა, მოთხოვნით - შეიცვალონ მოქალაქეობის საკითხთა კომისიის წევრები.
აქციის მონაწილეების განმარტებით, 20 სექტემბერს მოქალაქეობის საკითხთა კომისიამ საქართველოს მოქალაქეობაზე 15 ფერეიდნელ ქართველს უთხრა უარი.
სახელმწიფო სერვისების განვითარების სააგენტოს უფროსის განმარტებით, წელს 79 ირანის მოქალაქე ფერეიდნელ ქართველს მიენიჭა საქართველოს მოქალაქეობა. რაც შეეხება კონკრეტულ ფაქტს, მათი მოთხოვნა იყო საქართველოს მოქალაქეობის საგამონაკლისო, განსაკუთრებული წესით მინიჭება.
სოსო გიორგაძის განმარტებით, მათ უნდა ჩამოეტანათ განცხადება საქართველოს მოქალაქეობის ჩვეულებრივად მინიჭების მოთხოვნით და ჩაებარებინათ გამოცდა ქართულ ენასა და ისტორიაში, რის შემდეგაც დადებით პასუხს მიიღებდნენ.
აქციას, ფერეიდნელ ქართველებთან და მოქალაქეებთან ერთად, „პატრიოტთა ალიანსის“ წევრებიც ესწრებოდნენ.