ქვეყნის მასშტაბით მოქმედი 25 გაზგასამართი სადგური უსაფრთხოების სტანდარტებს არ აკმაყოფილებს. ზედამხედველობის სააგენტოს მიერ ჩატარებული მონიტორინგის შემდეგ ობიექტების მფლობელებს სოლიდური ჯარიმების გადახდა მოუწევთ.

თხევადი აირის გასამართ სადგურებზე უსაფრთხოების ნორმების დაცვის საკითხი ცოტა ხნის წინ ბათუმში მომხდარმა ტრაგედიამ კიდევ ერთხელ გააქტიურა. მაშინ გაზის ბალონი კუსტარულად მოწყობილ ობიექტზე აფეთქდა, ამ ტიპის სადგურების კონტროლი ცალკე პრობლემაა.