სექტემბერი 29, 2017
145
კორტების სპეცოპერაციის საქმეზე მსჯავრდებულ ირაკლი ფირცხალავას პროკურატურამ ახალი ბრალი წაუყენა. გამოძიება მას 371 მუხლის მიხედვით - მოწმის მიერ ჩვენებაზე უარის თქმას ედავება.
საქმე ფირცხალავას მიმართ ირაკლი მამალაძის მიერ შეტანილ საჩივარს ეხება. პროკურატურის განმარტებით, სწორედ ამ საქმეზე ჩვენების მიცემაზე მსჯავრდებულმა უარი განაცხადა.
სასამართლო პროცესი დღეს ხმაურის ფონზე მიმდინარეობდა. ფირცხალავამ რამდენიმე განცხადება გააკეთა, მსჯავრდებულმა განმარტა, რომ მისთვის ბრალი საერთოდ არ წარუდგენიათ და არც იცის, რატომ იმყოფება დღეს პროცესზე,
ასევე, ბრალდებულის თქმით, მას ჩვენების მიცემაზე უარი არ უთქვამს. რაც შეეხება სახელმწიფო ბრალდებას, პროკურორის განცხადებით, ბრალის წარდგენა კანონის დაცვით მოხდა.
მაჩვენე მეტი