საკითხი, რომელიც დედაქალაქის საკრებულოში ხმაურისა და დაპირისპირების მიზეზი გახდა დამტკიცებულია.
თბილისის წარმომადგენლობითი ორგანოს დეპუტატებმა თაბორის მთაზე და პუშკინის სკვერის მიმდებარედ არსებული ნაკვეთებისთვის ზონალური სტატუსის შეცვლის საკითხები გააერთიანეს და ისე უყარეს კენჭი.
ოპოზიციის წარმომადგენლები უმრავლესობას ბრალდებებს უყენებენ. მათი განცხადებით, საკრებულო, კონკრეტულ მოთხოვნას, რომელიც 21 სექტემბერს დარეგისტრირდა, ორ დღეში დაჩქარებული წესით მხოლოდ იმიტომ განიხილავს, რომ ამით ბიძინა ივანიშვილია დაინტერესებული. მათ საკრებულოს, სხდომის ჩატარების საშუალება არ მისცეს .
ვითარების განსამუხტად ადგილზე საპატრულო პოლიციაც გამოიძახეს. ოპოზიციის წარმომადგენლებს და მათ მხარდამჭერებს სხდომათა დარბაზი იძულებით დაატოვებინეს, უმცირესობის დეპუტატები კი საკითხის განხილვაში, პროტესტის ნიშნად, არ მონაწილეობდნენ.
რა ვითარებაა ახლა დედაქალაქის საკრებულოში და როგორ ხსნიან საკუთარ გადაწყვეტილებას დეპუტატები - ანა ბროლაძე დეტალებით.