დავით ნარმანია დედაქალაქის საკრებულოს გუშინდელ ხმაურიან სხდომას ეხმაურება. თბილისის მერის განცხადებით, მიღებული გადაწყვეტილება, მიწისქვეშა პარკინგების მოწყობას ითვალისწინებს, რასაც, ნარმანიას აზრით, მხარდაჭერა უნდა მოჰყვეს.

როგორც დედაქალაქის მთავრობის ხელმძღვანელი განმარტავს, ოპონენტებს საკუთარი პოზიციის დაფიქსირება მშვიდად, შეძახილების გარეშეც შეეძლოთ.

თბილისის საკრებულოს გუშინდელი გადაწყვეტილებით, თაბორის მთისა და პუშკინის სკვერის მიმდებარედ ტერიტორიის ნაწილს ზონალური სტატუსი შეეცვალა.

საკრებულოს გადაწყვეტილებას წინ უძღვოდა ხმაური და დაპირისპირება. ოპოზიციური პარტიების წარმომადგენლები სხდომის გადადებას ითხოვდნენ.