ოლიმპიური ჩემპიონის, ნუგზარ ასათიანის სახელობის დარბაზში, ფარიკაობაში საქართველოს თასის გათამაშება მიმდინარეობს.

ფედერაციის მოწვევით, საქართველოს თასის ღია გათამაშებაში სომეხი მოფარიკავეებიც ასპარეზობდნენ.

ტურნირის მეორე დღეს, პირველობა რაპირაში გათამაშდა. გოგონების ფინალში თეონა გოგლიძე მარიამ ცუხიშვილს შეხვდა და დაძაბულ ბრძოლაში 15:14 დაამარცხა.

ვაჟების ფინალში, გადამწყვეტ დაპირისპირებამდე ლაშა გალუაშვილი სენსაციის ავტორი გახდა და გზიდან ევროპის ჩემპიონატის პრიზიორი ლუკა ღაღანიძე ჩამოიცილა. ის ფინალშიც 14:9 იგებდა. მაგრამ აჩიკო უგულავამ ნებისყოფა გამოავლინა, 15:14 მოიგო და თასის გამარჯვებული გახდა.