შეტაკებები პოლიციასთან და რიგები საარჩევნო უბნებთან. ასეთ ვითარებაში მიმდინარეობს კატალონიაში რეფერენდუმი, რომელიც ესპანეთის მთავრობამ არალეგალურად გამოაცხადა. როგორც კატალონიის ადგილობრივი მთავრობა იტყობინება, ბარსელონას გარეუბნებში პოლიციასთან შეტაკებების დროს 38 ადამიანი დაშავდა. მათგან უმრავლესობას მსუბუქი დაზიანებები აქვს, თუმცა მოქალაქეების მიერ გავრცელებულ კადრებში ჩანს, რომ პოლიცია აქტივისტებს რეზინის ხელკეტებით უსწორდება.
კატალონიის მთავრობის მეთაურმა პოლიციის მხრიდან ძალის გამოყენებას „გაუმართლებელი“ უწოდა. მადრიდში კი აცხადებენ, რომ რეფერენდუმი არალეგალურია და მის შედეგებიც უკანონო იქნება.
რეფერენდუმს ქეთი თუთბერიძე აშუქებს. მოამბის ჟურნალისტმა მიმდინარე პროცესებთან დაკავშირებით ინტერვიუ ბარსელონის მერთან ჩაწერა.