კახა კალაძე მესამე მასივისა და ვარკეთილის მოსახლეობას შეხვდა და თბილისის განვითარების პროგრამული ხედვა გააცნო.
„ქართული ოცნება - დემოკრატიული საქართველოს“ თბილისის მერობის კანდიდატმა მომდევნო ოთხი წლის განმავლობაში დაგეგმილ ინფრასტრუქტურულ პროექტებზე, ეკოლოგიური გაუმჯობესების გზებზე, სოციალურ საკითხებზე, ტრანსპორტის განვითარებასა და ქაოტური მშენებლობების აღკვეთის ღონისძიებებზე ისაუბრა.
კახა კალაძემ ყურადღება გაამახვილა ქალაქის ყველა რაიონში საზოგადოებრივი ტრანსპორტის ხელმისაწვდომობაზე და ოპერატიულობაზე.
თბილისის მერობის კანდიდატის განმარტებით, ასევე, განსაკუთრებული ყურადღება მიექცევა საცხოვრებელი ფართების დაკანონებას იმ ოჯახების შემთხვევაში, რომლებიც ათეულობით წლებია აღნიშნულ ფართებში ცხოვრობენ.
შეხვედრების დასრულების შემდეგ კახა კალაძემ ვარკეთილში მდებარე საფეხბურთო მოედანი მოინახულა, რომლის ფართობი თანამედროვე სტანდარტების მქონე საფეხბურთო მოედნის აშენების შესაძლებლობას იძლევა.
თბილისის მერობის კანდიდატმა აღნიშნა, რომ მერად არჩევის შემდეგ აღნიშნულ საკითხს აუცილებლად განიხილავს.