საქართველოს პრეზიდენტმა პორტუგალიაში პირველი ოფიციალური ვიზიტი დაიწყო.
დახვედრის ოფიციალური ცერემონია ქალაქ ლისაბონში, ბელემის სასახლეში გაიმართა. გიორგი მარგველაშვილმა და მარსელო რებელო დე სოუზამ ბელემის სასახლეში პირისპირ და გაფართოებული ფორმატის შეხვედრები გამართეს. მარგველაშვილმა დეტალური ინფორმაცია მიაწოდა მასპინძლებს საქართველოს ოკუპირებულ რეგიონებში შექმნილი ვითარების შესახებ.
შეხვედრაზე განიხილეს საქართველოს ევროინტეგრაციის პროცესის მიმდინარეობა, პორტუგალიისა და პოტრუგალიურენოვანი ქვეყნების ალიანსის მხარდაჭერის მნიშვნელობა.
მხარეებმა ისაუბრეს აღმოსავლეთ ევროპისა და ნატო-ს მომავალი სამიტების მზადების შესახებ. განიხილეს საქართველოს ნატო-ში ინტეგრაციის დღის წესრიგი.
გიორგი მარგველაშვილმა პორტუგალიელი კოლეგა საქართველოში მოიწვია.