ამერიკის შეერთებული შტატების სახელმწიფო მდივნის მოადგილე ჯონ სალივანი ფხენიანის ბირთვულ პროგრამასთან დაკავშირებით, უახლოეს პერიოდში სამხრეთ კორეაში ჩასვლას გეგმავს.
ამის შესახებ ინფორმაციას კორეული სააგენტო ავრცელებს. ამ ეტაპზე ვიზიტის ზუსტი დრო არ საჯაროვდება. ჯონ სალივანი სეულში სამხრეთ კორეის საგარეო საქმეთა მინისტრს შეხვდება, სადაც აშშ-სამხრეთ კორეის კოორდინირებული მოქმედებების შესახებ იმსჯელებენ.
შეერთებული შტატების პრეზიდენტი კი სახელმწიფო მდივანს მოუწოდებს, ფუჭად არ კარგოს დრო ჩრდილოეთ კორეასთან მოლაპარაკებისთვის. დონალდ ტრამპმა სოციალურ ქსელში ასევე განაცხადა, რომ მისი წინამორბედი პრეზიდენტებისგან განსხვავებით, რომელთაც ჩრდილოეთ კორეის პრობლემის მოგვარება ვერ შეძლეს, მას ეს გამოუვა. დონალდ ტრამპი ასევე მიიჩნევს, რომ ფხენიანთან თავაზიანმა მოპყრობამ 25 წლის განმავლობაში შედეგი ვერ გამოიღო.
წყარო: Yonhap