დეპუტატ ირაკლი ხახუბიას შვილის გარდაცვალების ფაქტზე დაკავებული პოლიციელების საქმეზე სასამართლო არსებით განხილვას დაიწყებს.
გორის რაიონულმა სასამართლომ დღეს მტკიცებულებების დაშვების საკითხი განიხილა.
დაცვის მხარე ბრალდებულთა მიმართ საქმის შეწყვეტას ითხოვდა. შუამდგომლობა არ დაკმაყოფილდა. დაცვის მტკიცებულებების დაშვებაზე კი, რასაც პროკურატურა ეწინააღმდეგებოდა, მოსამართლემ დადებითი გადაწყვეტილება მიიღო.
ქალაქ გორის გვირაბთან ავარიას მსხვერპლი 17 მაისს მოჰყვა. არსებული ვერსიით, საპატრულო პოლიციამ სწრაფად მიმავალ ავტომობილს გაჩერების მიზნით გზა ტრაილერით გადაუკეტა. საქმეზე სამი პოლიციელია დაკავებული . საპატრულო პოლიციის ათმეთაური ნუკრი ხაბელაშვილი და ორი რიგითი პატრულ ინსპექტორი - გია სადაღაშვილი და ზურაბ რუსიშვილი.