ოქტომბერი 3, 2017
117
რუს ოპოზიციონერ პოლიტიკოსს, ალექსეი ნავალნის მიტინგში მონაწილეობისკენ მოწოდებისთვის მოსკოვის სასამართლომ 20-დღიანი პატიმრობა შეუფარდა.
სასამართლოს განცხადებით, ნავალნიმ არაერთხელ დაარღვია მიტინგებისა და დემონსტრაციების გამართვის წესები. საქმის მასალებიდან ირკვევა, რომ ნავალნი მოქალაქეებს ნიჟნი ნოვგოროდში ხელისუფლების მეირ არასანქცირებულ მიტინგში მონაწილეობისკენ მოუწოდებდა.
საპროტესტო აქცია აღნიშნულ ქალაქში 2017 წლის 29 სექტემბერს იყო დაგეგმილი. ამ დღეს ალექსეი ნავალნი სამართალდამცავებმა მოსკოვში საკუთარი სახლის სადარბაზოში დააკავეს.
ნავალნიმ ადმინისტრაციული სამართალდარღვევა არ აღიარა. ოპოზიციონერის მტკიცებით, ნიჟნი ნოვგოროდში დაგეგმილი მიტინგი ადგილობრივ ხელისუფლებასთან შეთანხმებული იყო.
მაჩვენე მეტი