პრეზიდენტი მზად არის, ხვალ, 4 ოქტომბერს უმრავლესობის წევრებს შეხვდეს. ამის შესახებ პრეზიდენტის ადმინისტრაციის ხელმძღვანელმა გიორგი აბაშიშვილმა განაცხადა.

პრეზიდენტის ადმინისტრაცია პარლამენტის თავმჯდომარის შეთავაზებას პასუხობს.

„სამწუხაროდ, არ არის პირველი შემთხვევა, როცა ხდება სიტუაციების გართულება. ერთ კვირაზე მეტია პრეზიდენტი აცხადებს, რომ მზადაა შეხვედრისთვის და ღიაა კომუკიკაციისთვის ყველა პარტიასთან, თუმცა ადგილი აქვს სპეკულაციებს. კიდევ ერთხელ ღიად ვაფიქსირებთ რომ პრეზიდენტი მზად არის შეხვდეს უმრავლესობის წევრებს, ხვალ, 16:00 საათზე პრეზიდენტის სასახლეში", - განაცხადა გიორგი აბაშიშვილმა.