საფრანგეთის ეროვნულმა ასამბლეამ ახალი ანტიტერორისტული კანონი დაამტკიცა. დოკუმენტს 415-მა დეპუტატმა, 127 -ის წინააღმდეგ დაუჭირა მხარი. 19-მა კანონმდებელმა კი თავი შეიკავა.

დოკუმენტი სამართალდამცველთა უფლებამოსილების გაფართოებას ითვალისიწინებს, მათ შორის სასამართლო ორდერის გარეშე ჩხრეკის ოპერაციების ჩატარებას, მოქალაქეთა შემოწმებასა და მაქსიმუმ 1 წლის ვადით, მათ შინაპატიმრობაში განთავსებას.

ახლა კანონპროექტი სენატმა უნდა განიხილოს. დამტკიცების შემთხვევაში მას პრეზიდენტი ხელს თვის ბოლოსკენ მოაწერს. სწორედ ამ დროს ეწურება მეექვსედ გახანგრძლივებულ საგანგებო მდგომარეობის რეჟიმს ვადა, რომლის გაუქმების პირობასაც ემანუელ მაკრონი ჯერ კიდევ წინასაარჩევნო კამპანიის დროს პირდებოდა ამომრჩეველს.