პარლამენტის იურიდიულ საკითხთა კომიტეტმა "საარჩევნო კოდექსში" ცვლილებების განხორციელებას მხარი დაუჭირა. ინიციატივა პოლიტიკაში ქალთა კვოტირების საკითხს ეხება.

დეპუტატებს კანონპროექტის არსი ქალთა პოლიტიკაში მონაწილეობის სამუშაო ჯგუფის წევრებმა გააცნეს. ცვლილებებით, საპარლამენტო და ადგილობრივი თვითმმართველობის არჩევნებში, პარტიული სიების წარდგენისას, პარტიები ვალდებული იქნებიან, სქესთა ბალანი ისე დაიცვან, რომ სიაში ყოველი მეორე განსხვავებული სქესის კანდიდატი იყოს. წინააღმდეგ შემთხვევაში, პარტია რეგისტრაციას ვერ გაივლის.