ესპანეთის საკონსტიტუციო სასამართლომ კატალონიის პარლამენტში ორშაბათისთვის დაგეგმილი სესია შეაჩერა. ავტონომიის რეგიონული მთავრობა ორშაბათს დამოუკიდებლობის გამოცხადებას გეგმავდა.
ესპანეთის პრემიერ-მინისტრი კატალონიის მეთაურს მოუწოდებს, კანონის ჩარჩოებს დაუბრუნდეს და დამოუკიდებლობის გამოცხადების იდეაზე უარი თქვა.
კატალონიაში ჩატარებული ე.წ. რეფერენდუმი და პოლიციის მხრიდან ძალის გამოყენება განიხილეს და დაგმეს ევროპარლამენტში . დებატების ყველა მონაწილემ თქვა, რომ პირველ ოქტომბერს გამართული კენჭისყრა უკანონო იყო. ევროკომისიის ვიცე პრეზიდენტმა მხარეებს დიალოგისკენ მოუწოდა.
"ევროპის სახალხო პარტიის" ფრაქციის თავმჯდომარემ მანფრედ ვებერმა კი ყველას შეახსენა, რომ თუ კატალონია ესპანეთის შემადგენლობიდან გავა, ის ავტომატურად დატოვებს ევროკავშირს.
შეგახსენებთ, რომ კატალონიაში ე.წ.რეფერენდუმი 1 ოქტომბერს გაიმართა. მაფრიდმა კენჭისყრა უკანონოდ ცნო და შედეგების აღიარებაზე უარი თქვა. არალეგიტიმურად მიიჩნიეს ეს გამოკითხვა ევროკომისიაშიც.