საკონსტიტუციო ცვლილებებზე ვეტოს დადების შემთხვევაში, მოამბის ინფორმაციით, საპარლამენტო უმრავლესობა მოტივირებულ შენიშვნებზე 13 ოქტომბერს სხდომაზე იმსჯელებს.
პრეზიდენტს ვეტოს გამოყენებისათვის ვადა 10 ოქტომბრამდე აქვს. ახლა მსჯელობა იმაზე მიმდინარეობს, ვის შეთავაზებას გაითვალისწინებს გიორგი მარგველაშვილი – უმრავლესობის თუ ოპოზიციის.
თუკი პრეზიდენტი მოტივირებულ შენიშვნებში მმართველი გუნდის მიერ შეთავაზებულ ორ საკითხს შეეხება, უმრავლესობა ვეტოს არ დაძლევს. მათთვის მისაღებია კონსტიტუციაში მხოლოდ ბლოკებთან და ბონუსთან დაკავშირებით შესწორება, ოპოზიცია კი კიდევ ორი საკითხის დამატებას ითხოვს, რაც პროპორციულ საარჩევნო სისტემაზე 2020 წელს გადასვლას და პრეზიდენტის არჩევის წესის უცვლელად დატოვებას გულისხმობს, ვიდრე პარლამენტი ორპალატიანი არ გახდება.