ოქტომბერი 7, 2017
185
ბათუმში, 40 წელს გადაცილებული ორი მამაკაცი ცეცხლსასროლი იარაღიდან გასროლით დაჭრეს.
როგორც პირველ არხს ბათუმის სასწრაფო დახმარების სამსახურის უფროსის მოადგილემ ბადრი პაქსაძემ განუცხადა, მათთან შეტყობინება დაახლოებით, საათ-ნახევრის წინ შევიდა. მამაკაცებს ჭრილობები ბარძაყის არეში აღენიშნებათ და მათ სიცოცხლეს საფრთხე არ ემუქრება. დაჭრილები ბათუმის რეფერალურ საავადმყოფოში არიან მოთავსებული.
მომხდარ ფაქტთან დაკავშირებით, შსს-მ გამოძიება სსკ-ის 117-ე მუხლით დაიწყო, რაც ჯანმრთელობის განზრახ მძიმე დაზიანებას ითვალისწინებს.
შსს-ში აცხადებენ, რომ ბრალდებული ცხელ კვალზე დააკავეს.
მაჩვენე მეტი