სტაბილურობა და უსაფრთხოება შავი ზღვის რეგიონში. ნატოს საპარლამენტო ასამბლეა სპეციალურ რეზოლუციას იღებს და რეგიონის მნიშვნელობას გლობალურ კონტექსტში კიდევ ერთხელ გამოყოფს. საქართველოსა და უკრაინის ჩართულობას შავი ზღვის უსაფრთოხებაში კი განსაკუთრებული როლი ენიჭება.
რეზოლუციის პროექტი გერმანელი დეპუტატის ულა შმიდტის მიერ არის მომზადებული.
მოამბე უკვე გაეცნო რეზოლუციის ტექსტს. ნატოს საპარლამენტო ასამბლეა კიდევ ერთხელ ადასტურებს საქართველოს და უკრაინის ევროატლანტიკური ინტეგრაციის, ბუქარესტის სამიტის გადაწყვეტილების მტკიცე მხარდაჭერას და მიესალმება საქართველოს პროგრესს წევრობისთვის მზადებაში. ბუქარესტში რეზოლუციის პროექტს კომიტეტზე კენჭი უკვე უყარეს.
დამტკიცებამდე ნატოს საპარლამენტო ასამბლეის წევრებს ქეთი ქარდავა ესაუბრა.