ვაშინგტონისა და მოსკოვის ურთიერთობების გაუმჯობესებისკენ გზა უკრაინაზე გადის,- ამის შესახებ განცხადება რუსეთში აშშ-ის ახლადდანიშნულმა ელჩმა ჯონ ჰანთსმენმა იუტაში გამართულ მიღებაზე განაცხადა.

ჰანთსმენის თქმით, უკრაინის სუვერენიტეტის აღდგენა არის პირველი მნიშვნელოვანი ნაბიჯი, რომელიც აშშ-ის და რუსეთის ურთიერთობების გაუმჯობესების გზაზე უნდა გადაიდგას.

მისივე თქმით, სურს ქვეყნებს შორის ნდობის აღდგენას ხელი შუწყოს, თუმცა დიპლომატის მოსაზრებით, ეს იოლად და სწრაფად არ მოხდება.
„უკანასკნელი ერთი წლის განვითარებულმა მოვლენებმა ბევრ ამერიკელს დაანახა, რომ რუსეთს აშშ-ის დემოკრატიისთვის ძირის გამოთხრა სურს. ამჟამად რუსეთისა და აშშ-ის მთავრობის წევრებს შორის ნდობა ძალიან დაბალ დონეზეა“, - განაცხადა ჰანთსმენმა.
ამასთან, დიპლომატმა განაცხადა, რომ აშშ-ის და რუსეთის თანამშრომლობის შედეგად ჩრდილოეთ კორეის მთავრობის დიალოგის მაგიდასთან დაბრუნება და ამ პრობლემის დიპლომატიური გზით მოგვარება შესაძლებელია.
როგორც ცნობილია, აშშ-სი ახალი ელჩი რუსეთში დაბრუნებას 12 ოქტომბერს გეგმავს.