თბილისში სუამ-ის დაფუძნების 20 წლისთავი აღინიშნება. დემოკრატიისა და ეკონომიკური განვითარების ორგანიზაციის - სუამ-ის საგარეო საქმეთა მინისტრთა საბჭოს სპეციალური სხდომა „რედისონში“ მიმდინარეობს. დელეგაციას საქართველოს საგარეო საქმეთა მინისტრი ხელმძღვანელობს.
დელეგაციის შემადგენლობაში არიან აზერბაიჯანისა და უკრაინის საგარეო საქმეთა მინისტრები და მოლდოვას საგარეო საქმეთა და ევროინტეგრაციის მინისტრები.
სპეციალური სხდომის ფარგლებში, სუამ-ის საგარეო საქმეთა მინისტრების ერთობლივ კომუნიკეს მოეწერება ხელი.

ვიზიტის ფარგლებში, სუამ-ის საგარეო საქმეთა მინისტრთა საბჭოს წევრები საქართველოს პრემიერ-მინისტრსა და პრეზიდენტსაც შეხვდებიან.

დელეგაციის წევრები "თბილისობის" დღესასწაულშიც მიიღებენ მონაწილეობას.
აღსანიშნავია, რომ 2017 წელს სუამ-ის თავმჯდომარე ქვეყანაა.

სუამ-ის დაფუძნების თარიღთან დაკავშირებით, ამ წუთებში მინისტრთა სხდომა იმართება. რა განცხადებები გაკეთდა შეხვედრის დაწყებამდე - ლიკა ალელიშვილის რეპორტაჟი.