თბილისის საკრებულოში იმყოფებოდა ნაციონალური მოძრაობის მერობის კანდიდატი.
ზაალ უდუმაშვილის განცხადებით, საკრებულო დაჩქარებული წესით გეგმავს პუშკინის სკვერის მიმდებარე ტერიტორია და თაბორის მთის ნაწილი ბიძინა ივანიშვილის კომპანიას სიმბოლურ ფასად გადაუფორმოს.
თბილისის მერობის კანდიდატს მოლოდინი აქვს, რომ ხვალინდელი სხდომა საკრებულოში 29 სექტემბრის მსგავსად, ძალოვანი უწყებების წარმომადგენლების თანხლებით ჩაივლის. თავად კი თანამოაზრეებთან ერთად აქციის გამართვა საკრებულოს წინ დააანონსა.
უდუმაშვილის განცხადებას გამოეხმაურა საკრებულოს თავმჯდომარეც, მისი თქმით, მიწების სიმბოლურ ფასად გადაცემა არ ხდება, რადგან პუშკინის სკვერის მიმდებარე ტერიტორიის გაყიდვის სანაცვლოდ, იქ მილიონი ლარის ღირებულების ინვესტიცია იგეგმება. თაბორის მთაზე კი მილიარდ-ნახევრის ღირებულების პროექტი განხორციელდება