ოქტომბერი 12, 2017
100
სპეცოპერაცია ბაგებში. მოქალაქის გატაცებისა და ფულის გამოძალვის ბრალდებით პოლიციამ 4 პირი დააკავა.
გამოძიების ინფორმაციით ბრალდებულებმა, დიდი ოდენობით ფულის გამოძალვის მიზნით, ერთ-ერთი მოქალაქის თავისუფლების უკანონო აღკვეთა განიზრახეს. მათ დაზარალებულის საცხოვრებელ კორპუსში ბინა წინასწარ დაიქირავეს, საიდანაც მას აკვირდებოდნენ და გადაადგილების მარშრუტს სწავლობდნენ.
დანაშაულებრივი ჯგუფის წევრებს, დანაშაულის ჩადენის გაადვილების მიზნით, სამოქმედო სქემაც წინასწარ ჰქონდათ შემუშავებული. სამართალდამცველებმა ბრალდებულები დანაშაულის მომზადების პროცესში დააკავეს.
არაოფიციალურად ცნობილი ხდება, რომ დაკავებულები ჰიპერმაკეტ ,,გორგიას” დამფუძნებლის გატაცებას და მისგან 5 მილიონი ლარის გამოძალვას აპირებდნენ.
მაჩვენე მეტი