,,დემოკრატიული მოძრაობა-თავისუფალი საქართველოს” თბილისის მერობის კანდიდატის კახა კუკავას განცხადებით, სასამართლომ დააკმაყოფილა ,,თბილსერვისიდან” 2016 წელს გათავისუფლებული 4 თანამშრომლის სარჩელი და მათი გათავისუფლება უკანონოდ სცნო.

კუკავას განცხადებით, სასამართლოს გადაწყვეტილებით, ოთხივე პირი აღდგა სამსახურში და მოპასუხეს, მათ სასარგებლოდ მთელი დავის პერიოდში მიუღებელი ხელფასის ერთბაშად გადახდა დააკისრა.

მერობის კანდიდატის ინფორმაციით, სასამართლო პროცესი 1 წლის და 8 თვის განმავლობაში გრძელდებოდა.

მისივე თქმით, ,,თბილსერვისიდან” თანამშრომელების გათავისუფლების მიზეზი მათი მხრიდან შრომითი პირობების გაუმჯობესების მოთხოვნით გამართული საპროტესტო აქცია იყო.