გიორგი ხაინდრავა სასამართლოში შინაგან საქმეთა ყოფილი მინისტრის ვანო მერაბიშვილის, სასაზღვრო პოლიციის ყოფილი უფროსის ბადრი ბიწაძისა და ბარისახოს მესაზღვრეების დაკითხვას მოითხოვს. როგორც გოგა ხაინდრავამ ჟურნალისტებთან განაცხადა, სასაზღვრო პოლიციიდან გამქრალია 2007 წლის 7 ნოემბრის აქციის დარბევაში ეკა გიგაურის მონაწილეობის დამადასტურებელი დოკუმენტები.
საქალაქო სასამართლოში დღეს მეორე მოსამაზადებელი სხდომა იმართება, სადაც მხარეები შუამდგომლობებს დააყენებენ. ეკა გიგაურის ადვოკატის ოლიკო შერმადინის განცხადებით, თბილისის საქალაქო სასამართლოში ისინი გოგა ხაინდრავას პატივისა და ღირსების შემლახავი განცხადების გამო უჩივიან.
მისი თქმით, სასაზღვრო პოლიციას და ეკა გიგაურს 7 ნოემბრის დარბევაში არანაირი მონაწილეობა არ მიუღია. გოგა ხაინდრავა კი ამტკიცებს, რომ კაპიტნის წოდება გიგაურმა სწორედ 7 ნოემბრის აქციის დარბევის გამო მიიღო, მისივე ხელმოწერით 7 ნოემბრის დარბევაში მონაწილე ბარისახოს მესაზღვრეები კი პრემიით დაჯილდოვდნენ. ეკა გიგაური სხდომას არ ესწრება.