2018 წლის სახელმწიფო ბიუჯეტის პროექტზე მსჯელობენ საპარლამენტო უმრავლესობის ფორმატში.
სხდომას აღმასრულებელი ხელისუფლების წარმომადგენლები ესწრებიან, დეპუტატებს საბიუჯეტო პარამეტრებს ფინანსთა მინისტრის მოადგილე გიორგი კაკაურიძე აცნობს.
შეხვედრა კითხვა-პასუხის რეჟიმში მიმდინარეობს. გამოსვლისას უმრავლესობის წევრებმა რამდენიმე საკითხი გამოყვეს, მათ შორის დაინტერესდნენ - პენსიების ზრდის საკითხით, სოფლის განვითარების პროგრამის მხარდაჭერით, პოლიციელების ხელფასის ზრდის ტენდენციით.
ასევე, მმართველი გუნდის წევრების კითხვები ფაროსანას წინააღმდეგ დაგეგმილ ღონისძიებებსაც შეეხო.
მანამდე, ბიუჯეტის პროექტის განხილვა ოპოზიციის ფრაქციებში შედგა. ოპოზიცია ქვეყნის მთავარ ფინანსურ დოკუმენტს აკრიტიკებს. ოპოზიციის ძირითადი შეკითხვები მასწავლებელთა ხელფასების მატებას, კულტურის სამინისტროსთვის ბიუჯეტის გაზრდასა და საგანმანათლებლო ინფრასტრუქტურას უკავშირდებოდა.
ბიუჯეტის პროექტს აკრიტიკებს როგორც ნაციონალური მოძრაობა ისე ევროპული საქართველო. დეპუტატების განცხადებით დოკუმენტი უხარისხოა და არ ემსახურება საქართველოს ეკონომიკურ განვითარებას.