თავდაცვისა და უსაფრთხოების კონფერენციის ფარგლებში, ნატოს გენერალური მდივნის სპეციალურმა წარმომადგენელმა ჯეიმს აპატურაიმ საქართვლოს პრემიერ-მინისტრთან პირისპირ შეხვედრა გამართა.

მჭიდრო თანამშრომლობასა და ევროპის უსაფრთხოებაში საქართველოს მნიშვნელოვან როლზე ისაუბრა გიორგი კვირიკაშვილმა ევროკავშირის საგარეო ქმედებათა ევროპული სამსახურის გენერალური მდივნის მოადგილესთან. შეხვედრისას, უმნიშვნელოვანეს მიღწევად შეფასდა სტრატეგიული დიალოგის ფორმატის ამოქმედება, რაც თავდაცვის სისტემასთან მაქსიმალური თავსებადობისკენ იქნება მიმართული.