პრეზიდენტის მუდმივი კრიტიკიდან გამომდინარე საკონსტიტუციო რეფორმაზე ვეტოს დადება მოულოდნელი არ ყოფილა. თუმცა ბოლო დღემდე ინტრიგად რჩებოდა, ვეტოს გამოყენების დროს ვის აზრს გაითვალისწინებდა გიორგი მარგველაშვილი: მმართველი გუნდის, თუ ოპოზიციის.

საბოლოოდ პრეზიდენტმა საპარლამენტო უმრავლესობის შეთავაზება არ მიიღო და მოტივირებულ შენიშვნებში ,,ქართული ოცნების” წინადადებასთან ერთად ოპოზიციის მიერ მოთხოვნილი საკითხებიც ასახა. შესაბამისად იმ ორ საარჩევნო თემაზე, რაზეც ,,ქართული ოცნება” დათმობაზე წავიდა, მომავალში ცალკე კანონპროექტის ინიცირება იქნება საჭირო.

შორენა ხვიჩია გაგვაცნობს იმ სადავო პუნქტებს, რის გამოც ვეტოს დაძლევა გარდაუვალი გახდა.