დღევანდელი დღე პირველი არხისთვის ისტორიულია. ტელევიზიის ახალი შენობის არქიტექტურული პროექტი შერჩეულია. გამარჯვება შპს ,,თბილქალაქპროექტმა” მოიპოვა. სწორედ ამ კომპანიის მიერ წარდგენილმა პროექტმა მიიღო ჩვენს ვებ გვერდზე მიმდინარე ინტერნეტგამოკითხვაში მოქალაქეთა ყველაზე მეტი - 14 227 ხმა.
შეფასების კრიტერიუმები იყო ფასი და ხარისხი, რომელიც ხუთ, მათ შორის დიზაინის კომპონენტს მოიცავდა. ეს არის პირველი შემთხვევა, როცა ტელევიზიამ მომავალი შენობის იერ-სახის შერჩევა საზოგადოებას მიანდო.
ხუთიდან კიდევ ერთი კრიტერიუმი - პროექტის ფუნქციური მხარე კი სპეციალურმა კომპანიამ შეაფასა. ორთვიანი კონკურსის და ცხრადღიანი ინტერნეტგამოკითხვის შემდეგ გამარჯვებული პროექტი დღეს დილით პირდაპირ ეთერში გამოვლინდა.
მარიკა შალიკაშვილი გვიამბობს, როგორი შენობა გვექნება 2020 წლისთვის.