ახალი კონსტიტუციის მიღებას წინ აზრთა სხვადასხვაობა და ხმაურიანი განხილვები უძღვოდა. ახალ რედაქციას მხარს არ უჭერს ოპოზიცია.
ერთად გადავავლოთ თვალი იმ მთავარ ცვლილებებს, რომელიც კონსტიტუციაში შევიდა. ახალი კონსტიტუციის თანახმად მოსახლეობა, საქართველოს პრეზიდენტს უკანასკნელად აირჩევს 2018 წელს, რის შემდეგაც პრეზიდენტს არაპირდაპირი წესით საარჩევნო კოლეგია აირჩევს, სადაც პარლამენტარები, ადგილობრივი თვითმმართველობების წარმომადგენლები და აჭარის და აფხაზეთის უმაღლესი საბჭოს წევრები შევლენ. რაც შეეხება პარლამენტს - 77 დეპუტატს ვირჩევთ პროპორციული, 73 კი – მაჟორიტარული წესით.
2024 წელს კი საპარლამენტო არჩევნებზე მისულები ვეღარ აირჩევენ მაჟორიტარ დეპუტატებს, შემოხაზავენ მხოლოდ სასურველ პარტიას. ახალ კონსტიტუციაში ასევე ჩაიწერა, რომ სასოფლო სამეურნეო მიწა განსაკუთრებული მნიშვნელობის რესურსია და მისი გასხვისება შესაძლებელია მხოლოდ სახელმწიფოზე, თვითმმართველობაზე საქართველოს მოქალაქეზე ან მოქალაქეთა გაერთიანებაზე. გამონაკლისი შემთხვევები კი დადგინდება ორგანული კანონით.
ასევე, ახალი რედაქციით დავიწროვდა ქორწინების დეფინიცია და კონსტიტუციაში ჩაიწერა, რომ ქორწინება არის ქალისა და მამაკაცის კავშირი ოჯახის შექმნის მიზნით.