ეროვნული საფეხბურთო ლიგის 29-ე ტური დღეს დასრულდება. „დავით პეტრიაშვილზე“ „საბურთალო“ 17:30 საათზე ფოთის „კოლხეთი 1913“-ს უმასპინძლებს.

ცენტრალურ შეხვედრა თბილისში, „დინამო არენაზე“ გაიმართება: თბილისურ დერბიში პირველ ადგილზე მყოფი „დინამო“ საპრიზო ადგილებისთვის მებრძოლ „ლოკომოტივს“ დაუპირისპირდება.

შეხვედრის პირდაპირ ტელერეპორტაჟს მეორე არხი 20:00 საათიდან შემოგთავაზებთ.

29-ე ტურის სხვა მატჩები ასე დასრულდა: იმერული დერბიში საჩხერეს „ჩიხურა“ „სამტრედიასთან“ 1:2 დამარცხდა. ბათუმის „დინამომ“ „დილას“ 1:0 სძლია, ხოლო ქუთაისში "ტორპედომ“ ქობულეთის "შუქურას“ უმასპინძლა და 3:1 აჯობა.

ამ გამარჯვებით ქუთაისელებმა ლიდერ თბილისის "დინამოსთან“ სხვაობა ერთ ქულამდე შეამცირეს.