კიევში ნაციონალისტური პარტიების ორგანიზებით „გმირთა დიდების“ მსვლელობა გაიმართა, რომელიც უკრაინის მეამბოხეთა არმიის დაარსებიდან 75-ე წლისთავის აღსანიშნავად დაიგეგმა. უკრაინული მედიის ცნობით, მასში მონაწილეობა ჩირაღდნებითა და დროშებით ხელში 10 ათასამდე ადამიანმა მიიღო. მათ შორის, „ნაციონალურმა კორპუსმაც“ - ორგანაზაციამ, რომელიც ეროვნული გვარდიის "აზოვის" ბაზაზე შეიქმნა. მსვლელობაში ჩაერთნენ „მემარჯვენე სექტორი“ და „თავისუფლებაც“. მსვლელობის უსაფრთხოების უზრუნველყოფის მიზნით, აქციაზე 5 ათასამდე სამართალდამცველი იყო მობილიზებული. დემონსტრაციის მონაწილეებმა შევჩენკოს ბულვარიდან დამოუკიდებლობის მოედნამდე მსვლელობა მოაწყვეს.