შეერთებულმა შტატებმა და სამხრეთ კორეამ ერთობლივი სამხედრო-საზღვაო სწავლება დაიწყეს. წვრთნები საგანგებო ვითარებაში, ჩრდილოეთ კორეის სტრატეგიულ ობიექტებზე მნიშვნელოვანი დარტყმების მისაყენებლად, უნარების დამუშავებას ისახავს მიზნად.

სწავლება იაპონიისა და ყვითელ ზღვებში მიმდინარეობს და მასში 40-მდე ხომალდი, მათ შორის ამერიკული ატომური ავიამზიდი, „რონალდ რეიგანია“ ჩართული, აგრეთვე ავიაცია, კერძოდ, ავიაგამანადგურებლები და ბომბდამშენები.

წვრთნები 22 ოქტომბრამდე გაგრძელდება. პარალელურად, ასევე იგეგმება ავიაშოუს გამართვაც, სადაც ამერიკული ავიაგამანადგურებლები საჩვენებელ ფრენებს მოაწყობენ.

დღეისათვის სამხრეთ კორეაში 28 000-მდე ამერიკელი სამხედროა დისლოცირებული.

წყარო: Reuters