საფრანგეთმა საქართველოს 2018 წლის ფრანკფურტის წიგნის ბაზრობის საპატიო სტუმარი ქვეყნის სტატუსი გადესცა. ცერემონია ფრანკფურტში ფრანგი და ქართველი ავტორების, გამომცემლების, კულტურის და საგარეო საქმეთა სამინისტროს წარმომადგენლების მონაწილეობით გაიმართა.
სპეციალური გრაგნილი შოთა რუსთაველის ციტატით ქართულ მხარეს ოფიციალურად გადაეცა.
ცერემონიალი ქართველი მუსიკოსის, ქეთი მელუასა და გორის ქალთა გუნდის მიერ შესრულებული მუსიკალური პერფორმანსით დასრულდა.
ფრანკფურტის წიგნის ბაზრობაზე საპატიო სტუმარი ქვეყნის სტატუსის მოსაპოვებლად, მოლაპარაკებები ქართულმა მხარემ 2010 წლიდან, ოფიციალური სამზადისი კი, 2014 წელს საქართველოს კულტურის სამინისტროსა და ფრანკფურტის წიგნის ბაზრობას შორის ხელშეკრულების გაფორმების შემდეგ დაიწყო.