ქუთაისში გადაუღებელი წვიმის გამო საცხოვრებელი სახლები დაიტბორა. წყალი წერეთლისა და მაჩაბლის ქუჩებზე მდებარე სახლების სარდაფებში შევიდა. ძლიერი წვიმის შედეგად დაიტბორა ცენტრალური ქუჩები და გარეუბნები.

ქუთაისის მერიაში აცხადებენ, რომ აღნიშნულ საკითხთან დაკავშირებით ა(ა)იპ სპეციალური სერვისებში განცხადებას მოგვიანებით გააკეთებენ.

ადგილობრივი მოსახლეობა დახმარებას ითხოვს.

„დილის 9-ის ნახევარზე დავრეკე ქუთაისის მერიაში, მაგრამ ამ დრომდე არავინ გამოჩენილა“, - განაცხადა წერეთლის ქუჩის მცხოვრებმა ინგა ხელაძემ პირველ არხთან საუბარში.

როგორც ა(ა)იპ სპეციალურ სერვისებში აცხადებენ, მიმდინარეობს გზის გაწმენდითი სამუშაოები.

ქუთაისის გარდა წვიმამ პრობლემა შექმნა სამტრედიის მუნიციპალიტეტში. დაიტბორა ცენტრალური ნაწილი. ამასთან, სამტრედიის სოფელ ოფეთში მეწყერი ჩამოწვა.