კარლეს პუიჩდემონის პასუხი მადრიდის მოთხოვნაზე არადამაკამყოფილებელია, - ეს განცხადება ესპანეთის ვიცე-პრემიერმა, სორაია საენს დე სანტამარიამ გააკეთა.

მისი თქმით, წერილში, რომელიც პუიჩდემონმა ესპანეთის მიერ წაყენებული ულტიმატუმის ვადის ამოწურვამდე, ორი საათით ადრე გაუგზავნა ქვეყნის პრემიერ-მინისტრს, არ არის მკაფიოდ განსაზღვრული პუიჩდემონის პოზიცია.

ვიცე-პრემიერი აცხადებს, რომ ესპანეთის მთავრობა მზადაა დიალოგისთვის იმ შემთხვევაში, თუ დიალოგში თითოეული ესპანელის აზრი იქნება გათვალისწინებული, როგორც ამას ქვეყნის კონსტიტუცია მოითხოვს. ოფიციალური მადრიდი კარლეს პუიჩდემონს დროს 19 ოქტომბრამდე აძლევს.

10 ოქტომბერს კატალონიის რეგიონალური მთავრობის ლიდერმა პარალამენტში სიტყვით გამოსვლის დროს საკანონმდებლო ორგანოს სთხოვა რეგიონის დამოუკიდებლობის გამოცხადების საკითხი დროებით გადაედოთ, თუმცა პუიჩდემონმა ე.წ დამოუკიდებლობის შესახებ რეზოლუციას ხელი მაინც მოაწერა, რის შემდეგაც ესპანეთის მთავრობამ მას 16 ოქტომბრის დილის 10 საათამდე ვადა მისცა, გაეკეთებინა განმარტებინა, გამოაცხადა თუ არა ე.წ დამოუკიდებლობა.

პუიჩდემონს რეალურად ესპანეთის მთავრობისგან ორი ვადა ჰქონდა მიცემული, 16 და 19 ოქტომბერი. იმ შემთხვევაში, თუ 16 ოქტომბერს კატალონიის რეგიონალური მთავრობის ლიდერი იტყოდა, რომ მან ე. წ აღიარების შესახებ დეკლარაციას ხელი მოაწერა, მაშინ ეს ბრძანება 19 ოქტომბრამდე უნდა გაუქმებულიყო.

კარლეს პუჩიდემონმა დღეს ულტიმატუმის ვადის ამოწურვამდე ორი საათით ადრე ესპანეთის პრემიერ-მინისტრს წერილი გაუგზავნა, სადაც კატალონიის რეგიონალური მთავრობის ლიდერი მარიანო რახოისთან შეხვედრას და დიალოგის დაწყებას ითხოვდა.