რუსული წვრთნები ოკუპირებულ აფხაზეთში.
წებელდას ე.წ. სამხედრო პოლიგონზე რუსეთის სამხრეთ სამხედრო ოლქის სამხედრო მოსამსახურეები როტაციულ-ტაქტიკურ წვრთნებს ატარებენ. მიზანი - პირობით მტრის ავიაციისა და ჯავშანტექნიკის განადგურებაა - აცხადებს რუსეთის სამხრეთ სამხედრო ოლქის პრესსამსახური. მათი ინფორმაციით, სწავლებაში 500 სამხედრო მოსამსახურე და 100 ერთეული სამხედრო ტექნიკა მონაწილეობს, მათ შორის თანამედროვე ტიპის ჯავშანტრანსპორტიორები, ბრონირებული სადაზვერვო მანქანა და ზალპური ცეცხლის რეაქტიული სისტემა „გრადი“.
ოკუპირებულ აფხაზეთში რუსული წვრთნების მიმდინარეობას ეხმაურება საქართველოს პარლამენტის ვიცე-სპიკერი. გია ვოლსკის განცხადებით, საქმე გვაქვს ქვეყნის ტერიტორიაზე აგრესიული პოლიტიკის გამოხატვასთან და სამხედრო ბაზების შექმნასთან. მისი განმარტებთ, საჭიროა მოლაპარაკებები, საერთაშორისო მხარის კონცენტრაცია და მოთმინება.