ოქტომბერი 17, 2017
283
თბილისში, ქინძმარაულის ქუჩაზე გაზგასამართი სადგურის ტერიტორიაზე აფეთქება მოხდა.
საგანგებო სიტუაციების მართვის სააგენტოს ინფორმაციით, აფეთქებამ ხანძარი გამოიწვია. შემთხვევის შედეგად სამი ადამიანია დაშავებული, ისინი საავადმყოფოში გადაიყვანეს.
როგორც პირველ არხს საგანგებო სიტუაციების მართვის სააგენტოში განუცხადეს, ადგილზე ხუთი სახანძრო-სამაშველო ბრიგადა მუშაობდა.
მათივე ცნობით, ცეცხლი ამ დროისთვის ლიკვიდირებულია.
„აფეთქების შედეგად შენობის სახურავი და დანადგარი დაზიანდა. ცეცხლი დიდ ფართობზე არ გავრცელებულა“,- განაცხადეს საგანგებო სიტუაციების მართვის სააგენტოში.
ადგილზე „ყაზტრანსგაზის“ და გარემოს დაცვითი ზედამხედველობის დეპარტამენტის თანამშრომლებიც მუშაობენ.
მაჩვენე მეტი