ნუცა ქუთათელაძემ, ქეთი სახვაძემ და ირინა ბერაშვილმა მეორადი ტანსაცმლის ონლაინმაღაზია დაახლოებით ერთი წლის წინ შექმნეს და, როგორც დღეს ამბობენ, ეს საქმე საკმაოდ საინტერესო და მეტ-ნაკლებად შემოსავლიანიც აღმოჩნდა. ინტერნეტმომხმარებლების ზრდამ და სოციალური ქსელების განვითარებამ ბევრ ადამიანს გაუჩინა მსგავსი ბიზნესის იდეა. ნახმარი ტანსაცმელი ინტერნეტში ბევრად უფრო მიმზიდველად გამოიყურება და შედარებით ძვირიც ღირს. ადამიანები, რომლებიც ონლაინყიდვებს ანიჭებენ უპირატესობას, ფულს კარგ სერვისში იხდიან.